Процесот на е-купување

Кога правите нарачка во некоја интернет продавница очекувате пратката да ви пристигне во точно определеното време.

Но, што всушност се случува во т.н. позадина на онлајн купувањето.
Како вашата нарачка се процесира?

Веднаш по направената нарачка онлајн, истата се организира за испорака. Е-продавниците имаат склучено договор со служба за испорака која вашата пратка треба да ви ја достави во наведениот период. И тука почнуваат проблемите..
Оваа служба за испорака не секогаш ви ја доставува пратката на време. Понекогаш е временската прогноза, понекогаш е тоа сообраќајот, а не секогаш и купувачот е дома за да ја прими пратката.

Има задоволни и незадоволни купувачи. Но тие не се задоволни од службата за испорака, а не од е-продавницата. Треба да се прави разлика кога во прашање е купувачкото искуство. Дали купувачот е задоволен од производот или од навремената испорака.

Е-купувањето е процес од е-нарачка до испорака на врата.

Не треба да им бидете лути на е-продавниците за ненавремена испорака. Тие својот дел од работата знаат одлично да го исполнат. Но, ете се случува ненавремена испорака од х-причини.

Треба со ова да се запознаат сите е-купувачи.

И купувајте безбедно онлајн..

Да создадеме позитивно онлајн купувачко искуство

Она што фали во моментов за развој на македонската е-трговија е позитивно онлајн купувачко искуство.

За таа цел Ексквизит отвори нова Facebook група во која ќе можете да се пожалите од онлајн  услугите што ги добивате кога плаќате онлајн.

За онлајн купувањето да ни биде задоволство, прво треба да создадеме култура на купување и на позитивно купувачко задоволство.

Името на групата е Пожали се кога купуваш онлајн 

Споделете, коментирајте ваши онлајн купувачки искуства..

Рекламирање на социјалните мрежи како проблем

Секоја е-продавница која ги прати светските трендови, ги бара своите потенцијални купувачи на социјалните мрежи Instagram, Facebook, Google+ или Twitter..

Се вложува многу креативност, се внимава на сите правила на професионално рекламирање, но ете сепак тешко се наидува на добар одзив кај таргетираната маркетинг група.

Зошто е ова вака за македонските е-продавници?

Прво и основно, се уште се нема создадено социјална култура на прием на рекламите.

Рекламите и објавените постови од страна на македонските е-продавници редовно се исмејувани, се поставуваат глупави прашања, се споделуваат како шега, а сето тоа го гледаат вашите внимателно селектирани таргет групи.

И како сега до продажба?

Е-продавниците не се рекламираат да ве забавуваат и да бидат исмејувани, тие се рекламираат за да заработат. Сепак се трошат пари за реклами.

Македонскиот онлајн маркетинг треба сериозно да се осврне на овој секојдневен проблем. Има негативен и негативен маркетинг, а ова што се случува во македонскиот онлајн рекламен простор е алармантно.

Препорака до сите онлајн продавници кои се рекламираат на социјалните мрежи : Скријте ги овие недолични коментари, постови и сл. Ќе си заштедите многу нерви и чекајте додека некој конечно не превземе нешто за да го реши овој македонски проблем.

Зошто толку недоверба кон македонските е-продавници

Сите ваши направени нарачки преку интернет доаѓаат во одреден рок. Кога правите нарачки онлајн очекувано е да ги добиете истите во најбрз можен рок. Стрпливи или нестрпливи, нарачката си ја сакаме веднаш.

Кога просечниот македонски е-купувач купува по странските онлајн е-продавници и големи интернет продажни веб страници, направената нарачка сакал-не сакал си ја чека со денови, недели а понекогаш и месеци.

Но, кога истиот тој е-купувач купува во македонските онлајн продавници, нарачката си ја сака истиот ден. Способен е да се јавува неколку пати за да провери до каде е со испораката, недоверлив е и сака да си плати во кеш. Во КЕШ!

Сите негативни и непријатни искуства што македонскиот е-купувач ги има добиено од странските е-продавници, знае да ги проектира како негативни искуства добиени за македонските е-продавници.

Живееме во ера на технологија, кога готовинското плаќање се исфрла од употреба, но ете македонскиот купувач одбира во вакво модерно време да купува исклучиво во готово.

Затоа, немојте да бидете недоверливи кон македонските е-продавници, бидејќи во сопствената земја сепак сте најмногу заштитени од онлајн измами.. Доколку купувате од официјални веб продавници, а не од обични купи-препродај фејзбук страни за продавање..

Е-трговија во Р.Македонија до денес

Е-трговијата или развојот на е-продавниците во Р.Македонија е нова бизнис област во која треба да се инвестира. За жал, македонските е-продавници се оставени самите на себе во областа на инвестиции.

Нема заинтересирани странски инвеститори кои би сакале да се промовираат во нашата земја.

Тоа во голема мерка е условено од лошата репутација што македонските граѓани ја имаат оставено на странските банки, посебно во делот на злоупотреби на платежни картички.
Никој од овластените институции нема интерес да се подобри репутацијата што ја имаат македонските корисници на платежни картички.

За жал се се сведува на репутација и доверба која тешко се стекнува, а лесно се губи.

Ексквизит веќе подолго време се соочува со проблемот на доверба кај македонските е-купувачи. Колку и да се работи на овој проблем, секогаш се наоѓа некоја друга е-продавница која сакајќи брзо да се пробие на е-пазарот ја руши довербата кај македонскиот е-купувач. Свесно или несвесно. Конкуренцијата е непрофесионална, неетичка и нелојална.

Купувачката моќ на нашите граѓани е слаба за големи брендови и она што најмногу се продава онлајн е она што не може да се најде на пазар или во било која друга физичка продавница. Но, и купувачката моќ на големопродажните места е слаба за да се увезуваат квалитетни и по пристапни цени производи.

Просечен македонски е-купувач

Каков е просечниот македонски интернет купувач, најдобро се гледа по развојот на е-трговијата кај нас во Р.Македонија.

Просечниот македонски е-купувач сака да купува одредени производи, но по многу пониски цени отколку во која било друга физичка продавница. Очекува пратката да му пристигне веднаш, и не сака да плаќа онлајн туку во кеш по прием на пратката.

Е-продавачите се на голема мака со овие барања. Имено, не постои гаранција за е-продавачот дека е-купувачот ќе плати и ќе ја прими пратката. Во 90% од ваквите т.н. онлајн плаќања е-продавачот е тој што е оштетен и правно незаштитен.

Се уште под онлајн плаќање е-купувачот подразбира плаќање со кеш или со уплата со уплатница во банка. Онлајн плаќањето е во втор план, што е и пропуст на банките кои навреме не ги имаат информирано купувачите за предностите на овој начин на плаќање.

Убаво би било е-трговијата да заживее кај нас, но со ваков начин на гледање на работите тоа оди навистина тешко.

Акции и попусти онлајн

Сите ние сакаме да направиме добра зделка и да купиме квалитетен производ по пониска цена. Доколку тоа е навистина возможно.

Со помош на денешната интернет технологија сите купувачи се навреме известени за сите акции и попусти што ќе ги има во онлајн продажба.

Добро е да се следат страните на е-продавниците во сите социјални медиуми, бидејќи тоа ќе биде првото онлајн место каде ќе ги дознаете сите попусти што ќе следат.
Така ќе најдете се што ви е потребно, но и се што не сте знаеле дека може да се најде во онлајн продажба.

Акции има скоро секоја недела, а попустите се сезонски како во било која друга физичка продавница.

Регистрирајте се на веб страните на е-продавниците за да добивате електронски newsletter со сите можни акции и попусти.

Клик на www.ex.mk и регистрирајте се бесплатно..

Facebook продавници, но какви?

Во време на социјални медиуми, во време кога сите сме членови на некоја социјална мрежа лесно може да дознаеме за некоја онлајн продавница која е таму присутна.
Тоа се најчесто онлајн продавниците, но и некои други начини на онлајн продажба.

Производи има премногу, но какви?

Денес има голем број на новоотворени т.н. Facebook продавници кои се ништо друго, но само еден обичен канал на обид за продажба. Тоа се најчесто физички лица кои немаат своја официјална веб продавница туку својата роба ја продаваат по пат на порака во инбокс.Нудат плаќање во готово, не нудат замена на оштетен производ, без гаранција и без никаков е-маил за пофалби или жалби за купувачите.

Нивните производи најчесто ги купуваат лица кои не се добро информирани или пак оние кои сакаат поефтино да си поминат за потоа најгласно да се жалат. Бидете внимателни кон Facebook продавниците кои немаат официјална веб страница и никакви податоци за контакт ( е-маил, адреса, веб адреса на е-продавницата, тел.)..

Купувачите постојано се жалат од услугата на овие Facebook продавници, се добиваат производи со лош квалитет, лоша услуга при доставата и со тоа даваат лоша слика за е-трговијата во Р.Македонија.

Да направиме разлика помеѓу е-продавница и Facebook продавница.

Нека заживее е-трговијата во Р.Македонија..

Опасен тренд на затворање на е-продавници

И покрај бумот што го направија, е-продавниците во Р.Македонија се соочуваат со нов проблем. Имено, поради целокупната економска ситуација во републикава е-продавниците се принудени да ја заборават својата долгогодишна работа и вложена инвестиција и да прекинат со работа.

Кој ќе ја сноси одговорноста за овој тренд што се повеќе завзема размер?

Е-продавниците имаа што да понудат. Нови производи,нов начин на купување, брз и едноставен пристап до веб страниците на е-продавниците.

И покрај целокупниот напор да успеат во бизнисот што го одбрале, тие навистина немаат друг начин туку да прекинат со својата работа.

Се обидуваат да го позиционираат својот бренд на интернет просторот, но за жал ни со активно присуство на социјалните мрежи -тоа не им успева.

И така е-трговците нудат секојдневни попусти, дневни зделки и распродажби се со цел да ја заработат својата плата. Е-продавниците се сведоа на веб страници за попусти.

Секоја чест на ретките исклучоци, но поради недоволна конкуренција на е-пазарот ни тие не можат маркентишки и стратешки да се позиционираат.

Време е некој сериозно да се нафати со оправување на состојбата на електонската трговија.

Купувањето никогаш не било полесно, но не е бесплатно

И повторно ќе пишуваме за онлајн купувањето кај нас во Р.Македонија. И покрај тоа што се отворија повеќе од 250 онлајн-продавници, интернет трговците се загрижени за својот онлајн бизнис.

Имено и покрај тоа што се исполнети сите предуслови и услови за развој на е-трговијата кај нас, сепак повеќе од видливо е дека нашиот македонски купувач претпочита да отиде во некоја локална продавница или шопинг центар, наместо купувањето да го изврши онлајн.

Се пишува на големо за предностите на е-купувањето, за брзината на добивање на нарачаниот производ, за цената и за многу други работи.

Но, пак македонскиот купувач се ориентира кон класичниот начин на купување.

Дали е-трговците ќе успеат да го привлечат нашиот македонски купувач да пазарува преку интернет во македонските е-продавници или не - ќе покаже времето.

Работа има, производи има, но сепак многу се ретки тие што се охрабриле да купуваат онлајн.

Најмногу купуваат нашите иселеници кои живеат и работат во странство, но тие не се репер за она што македонскиот купувач сака да го има и да го купи.

Купување по каталози

За сите оние кои се малку скептични во врска со онлајн купувањето имаме специјална понуда - купување по каталог.

За полесно нарачување и купување на посакуваниот производ оваа група на купувачи може да го пребараат онлајн каталогот по категорија на производи.

Но, поради обемот на бројот на производи, овој пат каталозите се закачни на интернет. Со тоа докажавме дека сме еко-френдли онлајн продавница.

Се што треба да направите е да напишете http://issuu.com/natasamuratovska/docs и да пребарате по објавените каталози.
Дел од каталозите се на албански јазик, на македонски и на англиски.
Овој профил секојдневно се надополнува со нови онлајн понуди, па ви препорачуваме често да го посетувате.

Одберете го својот каталог.

Летни попусти

Деновиве ќе забележите дека голем е бројот на реклами кои изобилуваат со акциски попусти.

Ист е случајот и со е-продавниците.
Попусти, акции и голем број на изненадувања.

Охрабрува фактот дека нашиот македонски купувач се почесто ги користи овие акции  на е-продавниците.

Залихите мора да се потрошат, се е на онлајн продажба и верувајте не е лесно да се одбере производ од толку голема понуда.

Затоа удобно седнете пред вашиот лаптоп и едноставно со неколку клика разгледајте ги онлајн понудите што ги нудат македонските онлајн продавници.
Цените се исти како и во било која друга физичка продавница.

Уживајте во летните попусти.

Производи, производи

Летото е период кога повеќе од се имаме слободно време за себе, за пријателите, за семејството.

Тоа е период кога сме решени да го реновираме нашиот животен простор, да се подновиме со нешто убаво и се разбира да одиме на заслужениот летен одмор.

Она што е најубаво е дека имаме повеќе време за купување по нашите нови, големи трговски центри.

Само за потсетување сега е сезона на попусти, сезона на распродажби и сезона за успешно купени производи по супер, летна цена.

И секако тука се светските онлајн продавници каде може да се купат безброј различни и функционални производи. Тука се и нашите онлајн продавници каде може да направите некоја добра зделка.

Прошетајте и купувајте онлајн :)

Летен попуст

Има едно место на кое можете да пазарувате во секое време. Каде? На интернет во некоја е-продавница. А ги има многу.

Место каде можете во секое време да најдете добра зделка, попуст или туристичко патување.

За среќа кај нас во РМакедонија се повеќе се користат онлајн услугите на македонските е-продавници. Е-трговците се задоволни од онлајн продажбата, посебно за викенди кога нашиот македонски е-купувач сака квалитетно да го искористи своето слободно време со најблиските.

Сега е време на летните попусти кога може да се најде добра, квалитетна роба за пола цена . Овој тренд го следат и онлајн продавниците, па така убаво е да се посетат на интернет.

Во нашата е-продавница www.ex.mk е време на попусти за мебел.

Кликнете и одберете за Вас нешто убаво.

Ве очекуваме..

Онлајн туристички агенции

Дали се подготвувате за летните одмори? Да отпатувате некаде на некое фино, егзотично место со многу сонце и песочни плажи..

Да се препуштите на мирисот на морското синило и да пробате нешто ново и несекојдневно.
Имате безброј опции за избор на место за одмор.

Прашањето е дали тоа патување го купувате онлајн, преку користење на интернет.

Доколку сеуште не се осмелувате да го направите тоа онлајн, на избор ви се многу класични туристички агенции.

Но, сепак пробајте и пријатно изненадете се себе си и своите најблиски.

Проверете ги искуствата на оние кои подолго време ги користат услугите и предностите на онлајн туристичките агенции и осмелете се..
Нема да зажалите.

И.. Имајте убав одмор каде и да одите..

Кажете ДА за онлајн купувањето

Купувањето онлајн има многу предности. Тоа е начин многу брзо, лесно и удобно да го добието производот што го сакате. Кога сакате и како сакате..

Цените на производите се исти како и во било која друга класична продавница. Попусти има постојано на дел од производите или на сезонските артикли.

Можете да направите многу добри зделки.
Значи е-купувањето е многу економично за домашниот буџет.

Производите се убаво и прецизно претставени со слики и со детален опис. Поделени се во категории и подкатегории, што пребарувањето на производи го прави полесно и побрзо.

Можете да купувате и во доцните ноќни часови, бидејќи е-продавниците работат 24/7.

Се на се, онлајн купувањето е навистина задоволство.
Кажете ДА на онлајн купувањето..

Купувате онлајн?

За сите оние што веќе одамна купуваат онлајн, знаат кои се предностите што ги нуди онлајн купувањето.
Но, што со сите оние купувачи кои допрва се запознаваат со овој начин на купување?
Онлајн купувањето е брзо, безбедно и лесно. И пред се е многу едноставно.
Се што ви е потребно е добра интернет конекција и избор на онлајн продавници. И купувањето може да започне.
Ако се уште се двоумите, од каде да почнете ви ја нудиме нашата онлајн продавница која еве веќе шеста година е присутна на интернет пазарот во РМакедонија.

www.ex.mk

Започнете со онлајн шопинг!