ex.mk

Нови обуки

2011-08-22T15:13:00.002+02:00

Обука

Агенда за обуката „Како со отворање на е-продавница да ја зголемите вашата продажба“ која ќе се одржи четврти пат.

Термин за обуката: 26, 27, 28 и 29.09.2011 година (17:00 до 20:00 часот).

Агенда за обуката „Продажни вештини за успешна онлајн продажба „ која ќе се одржи првпат.

Термин за обука: 12, 13 и 14.09.2011 година (17:00 до 20:00 часот).

Обука: “Како со отворање на е-продавница да ја зголемите продажбата“

Потребна ви е подобра продажба?

Ексквизит во соработка со ПСМ Фондација организира обука на тема "Како со отворање на е-продавница да ја зголемите продажбата".

Отворањето на своја е-продавница или ново продажно место на Интернет придонесува кон зголемена продажба, независно дали веќе поседувате продажно место или не.

Дознајте ги сите основни и потребни процедури и сите законски барања и прописи за отворање и успешно водење на своја електронска продавница.

Продажба преку интернет

Продажбата преку интернет отвора нови можности за заработка како дополнителен начин за зголемување на вашата продажба:

- Анализа и истражување на интернет пазарот во Македонија

- Вовед во законските процеси и процедури

- Реалицирање на идејата за е-продавница

- Запознајте се со психологијата на Интернет продажбата

Независно дали веќе поседувате продажно место или пак сакате да ги пласирате вашите производи единствено за Интернет продажба, оваа обука ќе ви помогне успешно да се позиционирате на Интернет пазарот и да ги стекнете основните вештини за управување со е-продавницата.

Цена = 4900 ден (со вклучен ДДВ)

Цената вклучува: кафе паузи и сертификат за следење на обуката.

Пријавете се на info@ex.mk со име, презиме и контакт телефон или на 3103 663.

Бројот на учесници е ограничен на 15, поради задржување на квалитетот на обуката.

Досегашни учесници на обуката: Т-хоме, Т-мобиле, Дексико, Сивус, Аполо, Солопром, Ватростална, Национален Ромски Центар, Пчела доо, Хотел Дрим, Тедико, Жито Маркети, Славеј, Конрад, БСЦ Естек, Велоспринт, Макинженеринг, Неоком, Акрон, Еуро-Фарм доо, Шпаркасе Банка, Прва Детска Амбасада во светот - Меѓаши, Адинг, Пандев доо, Сковин, Вино М Дооел, Капитал Медиа Груп, Саравита, Плутомак дооел, Мила Текстил.

Обука: „Продажни вештини за успешна онлајн продажба“

Започнувате со интернет продажба?

Отворањето на е – продавница е вистински предизвик. Купувачите не можат да го видат продавачот, туку неговата веб страна, не можат да ги допрат производите, туку можат единствено да ја погледнат презентацијата, не можат да разгледуваат низ продавницата или да разговараат со вработените, туку пребаруваат HTML страни, читаат Најчесто Поставувани Прашања, не можат да пребаруваат низ полици, туку превземаат дигитална форма на каталог.

Дознајте како посетителите на вашата веб страна да ги придобиете во ваши купувачи преку потребните чекори за успешно водење на е-продажбата.
Продажба преку интернет
Продажбата преку интернет во развиените европски земји веќе ја надминува традиционалната продажба. Новиот тренд на интернет трговија веќе успешно се развива и во Македонија:
- Традиционална vs. Онлајн продажба
- Вовед во основните техники на продажба
- Шеми и концепт на е-продавницата
- Препознавање „Кој е кој“ - сите улоги во е-трговијата

Оваа обука ќе ви помогне да се стекнете со продажни вештини за успешна онлајн трговија.

Цена = 3900 ден (со вклучен ДДВ)

Цената вклучува: кафе паузи и сертификат за следење на обуката.

Пријавете се на info@ex.mk со име, презиме и контакт телефон или на 3103 663.

Бројот на учесници е ограничен на 15, поради задржување на квалитетот на обуката.

Направи пауза- дојди на е-шопинг

2011-05-23T11:14:00.002+02:00

Каде да скокнете на шопинг додека сте приклучени на Интернет? Најблиското место е на самата интернет мрежа - само потребно е да кликнете на линкот на некоја е-продавница и ете вие сте веќе на шопинг.

Социјалните мрежи нудат голем број на информации, линкови, страни од секаков карактер. Кај нас сега веќе е вообичаено додека се дружите со пријателите да ви пристигне мала реклама, инфо или линк до некоја е-продавница. Додека порано на ова се гледаше со недоверба, сега веќе е потребно при рака да се има и по една добра е-продавница .

Прилики за е-купување има многу ама најмногу се користат за е-подарување. Брзо, лесно и урбано.

Започни со Е-шопинг!
www.ex.mk

Напред за Специјална Олимпијада Македонија!

2011-05-23T10:43:00.001+02:00

Напред за Специјална Олимпијада Македонија!

Вашата поддршка со уплата на 100,00, 300,00, 500,00 или 1.000,00 денари за Специјалната Олимпијада Македонија ќе биде значајна за обезбедување на компјутерска опрема за нивната канцеларија.

Поддршката преку уплата можете да ја дадете до 22 мај 2011 година, 00:00 часот. При одбирање на начинот на плаќање, одберете „СОМ“ - без испорака.

Специјална Олимпијада

www.ex.mk

Продавај на Интернет

2011-04-26T10:39:00.000+02:00

Нема не знам, не можам, не умеам.
Само позитивно размислувајте.
Полека, добро и внимателно проучете го и испитајте Интернет пазарот. На глобалната мрежа (www.) денес ќе најдете секакви информации. Буквално може да дознаете многу, ако не и се за билошто ве интересира.
Интернетот нуди голема база на корисни информации. Доколку сакате да се насочите кон продажба т.е. Интернет продажба или е- продажба, за тоа како тоа го прават останатите е-продавачи во светот може да се информирате од прва рака т.е. со брзо, лесно пребарување низ Интернет пребарувачите.
Земете го google на пример. Напишете : е-продавница и видете што ќе извади Интернет пребарувачот. Направете го истото пребарување, но ограничете се само на територија на Македонија.
Ќе ја видите и нашата е-продавница ЕX.MK термин кој ние најмногу го користиме бидејќи е лесно препознатлив за Интернет корисниците.
Ќе видите листа од податоци и од други постоечки е-продавници во републикава.
Отворете ги нивните веб страници и видете каде може да ги продавате вашите производи или услуги.
На идната ваша е-продажба не гледајте како на инстант продажба.
Дозволете време е-купувачите да ве запознаат, да се привикнат на вас т.е. на вашето позиционирање на Интернет и на Интернет пазарот воопшто.

1ва обука за Е-продавница во РМ

2011-04-18T12:03:00.002+02:00

Ова е прва обука во РМакедонија од ваков тип: Отвори своја Е-продавница.
Накратко за агендата на обуката.

Обука за отворање на е-продавница
25.03.2011

Потребна ви е подобра продажба?

Ексквизит во соработка со ПСМ Фондација организира обука на тема "Како со отворање на е-продавница да ја зголемите продажбата", на 16 и 17 април 2011, во период од 10:00 - 17:00ч, во просториите на ПСМ Фондација.

Отворањето на своја е-продавница или ново продажно место на Интернет придонесува кон зголемена продажба, независно дали веќе поседувате продажно место или не.

Дознајте ги сите основни и потребни процедури и сите законски барања и прописи за отворање и успешно водење на своја електронска продавница.

Продажба преку интернет

Продажбата преку интернет отвора нови можности за заработка како дополнителен начин за зголемување на вашата продажба:

   - Анализа и истражување на интернет пазарот во Македонија

   - Вовед во законските процеси и процедури

   - Реалицирање на идејата за е-продавница

   - Запознајте се со психологијата на Интернет продажбата

Независно дали веќе поседувате продажно место или пак сакате да ги пласирате вашите производи единствено за Интернет продажба, оваа обука ќе ви помогне успешно да се позиционирате на Интернет пазарот и да ги стекнете основните вештини за управување со е-продавницата.

Цена = 4900 ден (со вклучен ДДВ)

Цената вклучува: кафе паузи, ручек за двата дена и сертификат за следење на обуката.

Пријавете се на info@ex.mk со име, презиме и контакт телефон или на 3103 663.

Краен рок за пријавување и уплата најдоцна до 14 април 2011.

Бројот на учесници е ограничен на 15, поради задржување на квалитетот на обуката.

Преземи инфо и агенда за обуката (PDF).

Поради големиот интерес за посетување на обуката формираме и втора група во мај.

И во Македонија може да заживее е-трговијата.

Продавај на Интернет

2011-03-29T19:06:00.001+02:00

Продавај на Интернет, продавај онлајн

Ова посебно се однесува на малите продавнички, кои се многубројни и ете не секогаш се добро познати.

Денес на Интернет се продава апсолутно се. Од моливи, мобилни, компјутери, гардероба, гаџети, аксесорис, шминка, чевли..

Интернетот нуди голема можност, вашите производи да бидат видени од поголем број на потенцијални купувачи, поголема е шансата истите да бидат препорачани и секако продадени.

Сопствениците на помалите продавници и нивниот персонал, не треба да бидат обесхрабрени од појавата на се поголем број на онлајн продавници.

Напротив, следниот чекор што треба да го превземат во успешно водење на нивниот мал бизнис е да се преорентираат кон поголема употреба на Интернетот.

Тоа може да води кон отворање на своја е-продавница, е-рекламирање или пак повеќе онлајн интеракција со идните свои купувачи.

Продавајте на Интернет!

Е-Продажба

2011-03-28T14:07:00.000+02:00

Насочете ја вашата продажба на Интернет. Ова е тренд кој полека, претпазливо, но доста сигурно завзема се поголем замав во РМ.
Секако дека ова проширување на продажбата нема да ви донесе инстант профит веднаш, што не значи дека е невозможно.
Постепеното пренасочување кон е-продажба е храбар чекор, добра одлука која бара друг вид на таргет групи, друг начин на рекламирање е-маркетинг, друг вид на социјални медиуми, е-форуми, newsletteri, mailing-листи, мобилност, поголема достапност, побрзо темпо на купо-продажба, друг вид на технологија и алатки, друг тип на менаџирање и водење на работите, друг начин на плаќање и добивање на производите, друг вид на соработници.

Обука : Отвори своја Е-продавница
Потребна ви е подобра продажба?

ПСМ фондација заедно со www.EX.Mk организира обука : Отвори своја е-продавница, во април во просториите на ПСМ Фондацијата.
За подетални информации превземете го документот: Обука ( www.ex.mk) или по е-меил : info@ex.mk

Како да се заработи во време на ПОПУСТИ?

2011-03-28T11:22:00.000+02:00

Што беше тоа ПОПУСТ?

Секој искусен продавач со носталгија се сеќава на старите добри времиња кога ПОПУСТИТЕ беа сезонски, ретки, а за купувачите беа настан кој не се пропушта.
Што се случи?
Денес веќе е секојдневие да се биде опкружен со ПОПУСТИ за се и сешто.
Ете некако се изгуби магијата да се купува.
Се изгуби старата добра врска меѓу производите и купувачите.
Сега се е веќе толку брзо, инстант- дури премногу лесно да се дојде до производ.
Сега се купува се.
Следува прашањето: Како да се заработи во време на ПОПУСТИ?
Многу лесно. Пренасочете ја вашата продажба на Интернет.
Сега е во тренд да се има Е-ПРОДАВНИЦИ.
Започни со Е-ШОПИНГ..

EX.MK

Купување по Е-каталози

2011-03-26T16:38:00.002+01:00

Уште еден полесен начин достапен за сите е-купувачи. Превземете ги бесплатно каталозите со производи кои се продаваат во е-продавницата на Ексквизит. Погледнете ги, поделете ги на пријатели, препорачајте не.

Кога сакате да нарачате и купувате производи преку каталаог, најдобро е претходно добро да се информирате дали тие производи се уште ги има за продажба, дали цената е променета, дали производот е на попуст.

Во овој случај целосно Ви стоиме на располагање на секое Ваше прашање да одговориме. Најдобро е да се јавите на нашиот тел. број наведен во Контакт или по е-маил на info@ex.mk

Достапни е-каталози:
Биди е-купувач Апарати за дома
Мојата омилена е-продавница Компјутерска галантерија Играчки

Биди Е-купувач

2011-03-25T12:07:00.000+01:00

Онлајн купување е Е-купување од дома. Брз, многу комфорен и економичен начин на купување од дома.

Онлајн купувањето е многу едноставно и многу практично.

Едноставно се приклучувате на Интернет, го пишувате името на онлајн продавницата и бирате производи.
Толку...

Овој начин на е-купување најмногу кај нас го практикуваат фамилијарни луѓе, луѓе од кариера, луѓе со урбан стил на живот, луѓе кои сакаат да пробаат нови начини на купување ..

Овој нов начин на е-купување не одзема многу време за барање на посакуваните производи, не бара дополнителни трошоци на парични сретства и време.

Е-купувањето е едноставен интерактивен процес на купување помеѓу Вас е-купувачот и помеѓу е-продавачот.

Останува на Вас да станете Е-купувач.

Маскенбал за 1ви април

2011-03-25T10:14:00.001+01:00

Во пресрет на 1ви април глобален ден на шегата е-продавницата на Ексквизит Ви предлага весел, шарен и шеговит избор на елегантни маски, кловновски перики...
Клик на www.EX.MK

Нека овој 1ви април Ви биде незаборавен..

Добра забава

Обука: Отвори своја Е-продавница

2011-03-17T18:56:00.004+01:00

Обука : Отвори своја Е-продавница

ПСМ фондација заедно со www.ex.mk организира обука : Отвори своја е-продавница, во април во просториите на ПСМ Фондацијата.

Отвори своја Е-продавница

Како да се отвори своја Е-продавница или да се прошири продажбата со отворање на ново продажно место на Интернет

· Вовед во законските процеси и процедури

· Реализирање на идејата за Е-продавница

· Одбирање на соодветна веб страна, пополнување на истата

· Анализа и истражување на интернет пазарот во РМ

· Бирање на соработници

Обуката е наменета за:

· Сопственици и менаџери на мали и средни фирми за продажба

· Ентузијасти кои сакаат да започнат свој сопствен бизнис

Цена: 4900,00 ден. Цената е со вклучен ДДВ.

Бројот на учесници по група е 10-15 лица, заради задржување на квалитетот на обуката.

Краен рок за пријавување и уплата е до 14 Април.

Обуката ќе се одржи на 16-17 април 2011 од 10.00- 17.00 часот.

За повеќе информации контактирајте не на 02/ 3103 663 или на е-меил info@ex.mk

Е-подарување

2011-03-14T08:32:00.000+01:00

Одличен начин да се приреди изненадување или да се подари е преку Е-продавница.
Купувачот при овој начин на подарување има двојна придобивка..
Имено на брз, лесен и едноставен начин купувачот одбира

1) подарок и
2) достава до примателот на подарокот.

Убаво е да се нагласи денот, името на лицетот кое го прима подарокот како и часот кога е најсоодветно да се достави подарокот.
Поради природата на функционирање на Е-продавницат, убаво би било доколку телефонски или по е-меил се направи овој вид на порачување неколку дена однапред.

Цената на доставата и на подарокот е иста за нарачателот. Единствено намената е изненадувањето да биде пријатно искуство за лицето кое го прима подарокот.
По желба на нарачателот, вработените во е-продавницата на Ексквизит подготвуваат во сопствен аранжман честитки со текст по ваш избор. Се разбира- бесплатно.

На ваков начин купувачот т.е. нарачателот на подарокот може да нарачува подароци, при тоа добивајќи

1) иста цена за достава
2) иста цена за производ
3) бесплатна честитка

Со тоа што е должен да направи нарачка два-три дена пред нејзиното испорачување.

До сите е-купувачи

2010-10-26T15:07:00.000+02:00

До сите е-купувачи

Производите што ги гледате онлајн се изложени за разгледување и купување 24 часа/ 7 дена во неделата. Понекогаш се случува посакуваниот производ во моментот кога ви е потребен да го нема на залиха. Во тој случај може да одберете производ налик на посакуваниот или пак да почекате одреден временски период кога истиот повторно ќе биде достапен за купување.
За да Ви го олесниме купувањето, особено кога станува збор за изненадување, роденден и сл. Ви препорачуваме да направите нарачка 2-3 дена пред нејзино реализирање. Во тој случај ќе бидете сигурни дека направената нарачка успешно ќе биде доставена до лицето кое сакате да го изненадите.
Напомена: комуникацијата со е-купувачите е исклучиво по електронски пат (е-маил, факс..). Во случај на потреба на комуникација со крајниот купувач ( кој е само примач на платената нарачка ), комуникацијата оди преку е-купувачот кој ја нарачал и платил нарачката. На ваков начин се избегнуваат многу непријатни ситуации, кои би можеле да произлезат од нејасна комуникација, помеѓу трите вклучени страни во процесот на е-купување: е-трговецот, е-купувачот и примачот на платената нарачка.

Со почит,
Ексквизит

Електрична цедалка за овошје

2010-10-24T17:38:00.001+02:00

Одличен избор на електрична цедалка за портокали, лимони и сл.
Особено сега во овој преоден период, кога времето се заладува, добро е да се има при рака и овој апарат за по дома.

Бидете здрави, свежи и полни со енергија..

За повеќе детали за функциите на оваа цедалка клик на: www.ex.mk

Е - Продавница Апарати за домаќинство Соковници Цедач за агруми Clatronic ZP-3066

цена: 927.00 ден

До сите е-купувачи

2010-10-20T09:32:00.000+02:00

До сите е-купувачи

Производите што ги гледате онлајн се изложени за разгледување и купување 24 часа/ 7 дена во неделата. Понекогаш се случува посакуваниот производ во моментот кога ви е потребен да го нема на залиха. Во тој случај може да одберете производ налик на посакуваниот или пак да почекате одреден временски период кога истиот повторно ќе биде достапен за купување.

За да Ви го олесниме купувањето, особено кога станува збор за изненадување, роденден и сл. Ви препорачуваме да направите нарачка 2-3 дена пред нејзино реализирање. Во тој случај ќе бидете сигурни дека направената нарачка успешно ќе биде доставена до лицето кое сакате да го изненадите.

Со почит,

Ексквизит

Маркетинг или ПР текст ?

2010-10-18T13:35:00.000+02:00

Неодамна добив прашања за интервју, но по неколку недели добив одговор дека текстот бил премногу ПР т.е. премногу бил насочен кон јавноста (односи со јавност- е буквалниот превод)
Одлучете сами...

1. Kako se rodi idejata za "Exquisite"?

Идејата за отворање на е-продавница дојде спонтано. Имено пред две години навистина беше предизвик да се започне со овој начин на е-тргување и истиот да се наметне како секојдневна навика за пазарување за македонските граѓани.

2. Dali makedonskite gragjani se familijarni so konceptot na on-line kupuvanje?

Концептот на он-лајн купување, бирање на производот и он-лајн плаќање, гледано од нашата пракса е познат, лесно применлив, и испробан.

Интересот за ваков начин на купување расте од ден на ден, паралелно со развивање на еден нов тип на култура на купување.

Не беше лесно да се убеди македонскиот граѓанин дека он-лајн купувањето е за секого, и дека не се потребни големи парични сретства да се добие посакуваниот производ.

Искуството покажува дека овој начин на е-купување повеќе го практикуваат луѓето со подлабок џеп, со повеќе стил и со модерна култура на купување. И се разбира луѓе кои се презафатени со обврски, со својата кариера и со семејството.

За таа цел за да им излеземе во пресрет на сите наши купувачи се потрудивме изборот на производи да одговара на сите возрасти, на сите старосни групи на купувачи, и се разбира цените да се пристапни на економската парична купувачка моќ на македонските купувачи.

3. Koi proizvodi najmnogu se prodavaat?

Најчесто барани производи се артиклите од компјутерска галантерија, прибор и апарати за домаќинство, забава, канцелариски материјали, карти за концерти, книги и особено голем интерес има за подарување на цвеќиња.

4. Dali recesijata se pokaza pogubna za ovoj vid na biznis?

Во февруари 2009 кога ја поготвувавме веб страната за е-продажба, самиот проект наиде на голем интерес и љубопитство кај интернет корисниците, така што може само да кажам дека рецесијата благо ја почуствуваме, и безболно не одмина. Можеби станува збор за почетничка среќа..

5. Koi se vasite profesionalni planovi za idnina?

Она кон кое се стремиме како фирма е да преминеме во најдоброто шопинг место за опремување, реновирање на Вашиот животен простор со практични и функционални производи.

Да одберете што е добро, а што практично, колку чини и како тоа многу лесно можете да го купите или пријатно да ги изненадите своите најмили со убав подарок.
Со нас да може да го одберете најдоброто, оставајќи си доволно слободно време во активностите во кои уживате.Накратко, производите што ќе ги погледнете во нашата е-продавница се мали, корисни и економични.

Со малку фантазија предметите за секојдневна употреба да може да ги трансформирате во нови, иновативни решенија, да ги „оживеете“ и да му дадете душа на просторот во кој живеете.

Наш избор

2010-10-14T15:03:00.003+02:00

Наш избор

Вообичаено е и ние како тим на Ексквизит да имаме свои фаворити, кога станува збор за производ.

Од памтивек е кажано: За вкусовите не се зборува. Колку луѓе, толку карактери.

Изборот е ваш.

Ние како тим, имаме за цел Е-Продавницата континуирано да ја снабдуваме со нови, секојдневни и едноставни производи, со цел да ви овозможиме на лесен и многу економичен начин да бидете ексклузивни, па можеби дури и по малку екстравагантни.

Со многу малку труд, со добра идеја, со соодветно пакување, секој производ – секој купен производ веднаш ќе ја добие својата намена.

Проверете зошто баш Ексквизит.

клик на : Наш Избор

Лесно е да избереш

2010-10-08T14:44:00.003+02:00

Лесно е да избереш

Открите го наједноставниот начин на купување.

Брзо, лесно и економично.

Со само еден клик до потребниот и посакуваниот производ. Пребарајте низ категориите и подкатегориите во е-продавницата на www.ex.mk и откријте ги предностите на онлајн купувањето.

Нека купувањето Ви биде забавно!

Тренди Скопје 2010

2010-10-06T09:57:00.003+02:00

Неверојатно, но вистинито

Имено, по долги дебати, јавни изливи на револт кај скопјани, конечно се направи голем дел од улицата Илинденска и се пушти во употреба.

Првичните впечатоци ги оставам на индивидуалните размислувања, но што се однесува до моето мислење јас како возач на едно просечно, нормално средно возило сум воодушевена.

Сега колата не ми вози, туку лизга по булеварот. До кога ќе трае ова мое вакво возење- не знам.

Второ, пејзажот кога се вози по истата улица кон центарот на градот, во моментот кога се здогледуваат двата лава на мостот добива навистина импресивен лик. Навистина да ти е ќеиф и задоволство да се возиш по Скопје.

Градов почна да ни заличува на урбано, културно место за живот.

(сликата е превземена од телма телевизија)

За авторот на блогот

2010-10-05T12:37:00.003+02:00

Лесно е да избереш

Е- шопингот во РМ е сеуште во развој. Интересот за овој начин на е-купување расте од ден на ден, се повеќе љубопитни пребарувачи по македонските веб портали се почесто се задржуваат токму на ваквите веб страни на македонските веб е-продавници. Колку од љубопитство, колку од потреба или по навика овој начин на е-купување станува нормална и секојдневна работа.

За сите идни купувачи кои сакаат повеќе да се запознаат со овој нов начин на е-купување го отворивме информативниот блог: http://eshopping-mk.blogspot.com каде редовно се рекламираат производите кои може да ги купите преку нашата е-продавница. Блогот е пред се од информативен и забавен карактер, со реални и практични новини од секојдневното работење на една е-продавница во РМ.

Нека купувањето Ви биде забавно!

Time Management

2010-09-28T23:22:00.004+02:00

Колку е часот?

Сите знаеме дека времето е пари. Но ако малку подлабоко се загледаме во поимот ВРЕМЕ - тоа во продажбата може да се толкува на повеќе начини.
Имено "време "- е работно време на продавницата.
Под "време" - може да се подразбере и годишно време, што е исто многу битен фактор во продажбата, посебно во модната индустрија.
Времето е битен фактор во сите сегменти на работење, во организација на секојдневните работни обврски и задолженија, во организација на работни состаноци и работни средби, исполнување на рокови итн..

Одличен начин да се усоврши и поедностави секојдневното работење и успешно да се води една нормална фирма, значи да се има чувство за време.
Проблемот е кога Вие тоа го правите, но не наидувате на истиот приод од другата страна.
Немањето на фидбек, може да Ве чини нерви, пари и губење на здравје, и занемарување на вашиот приватен живот.
Ете, едноставно некој си го земал тоа право или задоволство да ете немал време да ги исполни своите договорени обврски кон Вас.

Boom Marketing

2010-09-27T08:44:00.000+02:00

Како до продажба во време на кризен маркетинг?

Имено сите ефективни слогани, џинглови, тизери се или зафатени или премногу се употребувани или се пречесто копирани.

Па оттука и маркетиншката порака е недоразбрана или се сфаќа во погрешен контекст, и пораката се носи во сосема друга насока од предвидената замисла.

Во овој случај кога пораката наместо вашата таргет група, ја прима нечија друга таргет група ( пораката се губи во неинвентивниот процес на copy-paste) истата е апстрактна, неинтересна и се разбира "погрешна"!

Значи уште од старт сиот предвиден маркетинг план, врз кој се заснова продажбата оди бесплатно на нечија туѓа врата.

Што да прави човекот кој го изработил тој маркетинг план во овој случај?..

Boom Marketing

2010-09-26T08:04:00.000+02:00

Најновите истражувања од областа на маркетингот покажаа дека правењето на БРЕНД е слично на правење на ѕвезда ( од холивудски ранк). Потребни се навистина големи инвестиции; голем тим на луѓе; жешки хостеси ; ТВ презентации во најквалитетна резолуција; најдобро место во новините за рекламирање; брендирани автомобили, обувки, накит, гардероба која се менува два пати во денот; ВИП карт бланш за секој социјален настан, и секако времето. По амерички сите знаеме дека времето е пари- што преведено на нашки би значело- нема грешка со се ова горенаведено да се утне во правење на бренд (па да речеме за ден-два).
А што добиваме ние како консументи од овие инстант направени брендови. Па ништо посебно не ни останува освен да се запишеме на нивните инстант курсеви за да поднаучиме и ние како да направиме бренд.
И најважното- ќе мора да научите и англиски/американски.
Колку маркетиншката порака ви е english user friendly шансите за заработка ви се поголеми.. Maybe...

Украсна бижутерија

2010-09-18T17:40:00.000+02:00

Обетки за секоја пригода

Одберете комплет соодветно на Вашето расположение, стил на облекување и начин на живот.

Бидете секогаш модерни, секогаш различни.

Носете накит пред се за самите себе. Бидете практични и со малку парични сретства добијте го имиџот што го посакувате.

цена: 200,00 ден.

Изненадете се пријатно

2010-09-12T09:55:00.000+02:00

Чоколадо, мммм навистина чоколадооооо!!!!!

Имајте чоколадна гозба без да се грижите за својата линија!!!

Оваа маска длабоко чисти, ги отвора порите, хидрира и негува за вашата кожа да зрачи со здравје.

УЖИВАЈТЕ!
цена: 79,00 ден.

За повеќе избор од овие благопријатни маски за коса и кожата на лицето и вратот кликнете на линкот: www.exquisite.mk

Ароматерапевтските LaSoy сапуни

2010-09-10T13:45:00.000+02:00

Комплет од 3 сапуни

Ова е одличен начин за релаксација, а воедно и одличен и несекојдневен избор за подарок.

Комплетно природни, рачно работени, без вештачки додатоци и синтетски конзерванси (paraben-free).

Ароматерапевтските LaSoy сапуни се изработени од висококвалитетни растителни масла и 100% природни концентрирани етерични масла. Содржат природен глицерин како незаменлив навлажнувач и омекнувач на кожата.
За повеќе детални информации и за поголем избор од овој тип на комплети од сапуни клик на: www.exquisite.mk.

Време за училиште

2010-09-01T13:07:00.000+02:00

Бидете чекор пред другите и снабдете се со сиот потребен материјал за детската работна маса.

Ножички во боја, разнобојни самолепливи ливчиња, лепаци, плутани табли, притискачи во боја, дигитрони со различен број на функции, папки за подобра организација и архивирање....

За повеќе информации околу асортиманот на понудени производи кликнете на : www.exquisite.mk и просурфајте низ понудените подкатегории од категоријата на канцелариски материјал.

Самолепливи ливчиња

2010-08-12T12:03:00.000+02:00

Потсетници за секаков вид на информации: тел. бројчиња, обележувачи на страници, веб страници, е-маил адреси и многу, многу други работи.

Нека учењето ви биде забавно, а работењето организирано.

Цена од 19,00 ден. до 120,00 ден.

За нарачување клик на : www.exquisite.mk

Украсна бижутерија за деца

2010-07-21T09:10:00.001+02:00

Одличен избор за секоја прилика , а посебно сега за во лето. Весел разнобоен мал комплет од ланче и алка наменето за девојчиња под 7 годишна возраст.

Шарениот сет од еластично ланче и еластична алка е изработен од мали весело обоени дрвени монистра.

Цената за овој мал комплет е 140,00 ден.

За повеќе клик на : www.ex.mk

Лето во Скопје

2010-07-16T15:28:00.002+02:00

www.exquisite.mk

Одличен начин да се помине ова лето е на новата Градска плажа, на викенд до Охрид, два-три дена до Грција, Бугарија..

Како и да е летото е за одмор од работни обврски, да земеме малку здив, да се наполниме со нова позитивна енергија, да се релаксираме од учење.. Барем малку да се оттргнеме од секојдневните работни ангажмани..

Да се забавуваме:)

За оние со повеќе креативност ова е одлична шанса да се направат мали декорации и реновирања по дома.

Уживајте..

Анализа на анкетата за е-купување во РМ

2010-07-15T15:58:00.000+02:00

1. Пол:

машки : 33,3 %
женски : 66,67%

2. Дали сте запознаени како може да купувате преку интернет?

да : 88,89 %

не : 11,11%

3. Дали мислите дека електронскиот начин на купување е доволно промовиран во Македонија?

да : 11,11 %
не : 33,33 %
минимално : 55,56 %

4. Дали поседувате платежна (кредитна/дебитна) картичка?

да : 77,78 %
не: 22,22 %

5. Дали вашата картичка има можност за плаѓање преку интернет?

да : 55,56 %
не : 11,11 %
не знам : 33,33 %

6. Дали мислите дека ваквиот начин на купување е безбеден?

да : 55,56 %
не : 11,11 %
не знам : 33,33 %

7. Дали некогаш сте купувале од македонска електронска продавница?

да : 11,11 %
не : 33,33 %
не, но би сакал/а : 55,56 %

8. Ако не,кои се причините за тоа? (Одговараат само оние кои одговориле негативно на претходното прашање)

не е безбедно : 25,00 %
не поседувам платежна картичка : 12,50 %
нема доволен избор на производи : 37,50 %
не познавам таква веб страна : 12,50 %
не знам како : 12,50 %

9. Што најмногу би ве натерало да купите производ од македонска електронска продавница?

попуст : 22,22 %
наградна игра : 11,11 %
подарок : 0,0 %
бесплатна достава : 66,67 %

10.

Уште само 5 дена останаа од Месец на EX.MK

2010-05-10T13:50:00.001+02:00

Промоцијата под име ‘‘ Месец на EX.MK ‘‘ трае уште само 5 дена. Искористете попусти, производи купуваш 1 добиваш 2, ваучери со попуст и сл..

Во рамки на оваа промоција се одвива и анкета за заинтересираноста на македонската јавност за користење и познавање на начинот на е-купување и продавање. Резултатите ќе ги објавам по 15.05.2010. На некои верувам ќе им биде од полза оваа информација, а на некои веќе прочитан текст.

Како и да е, останува на самите македонски граѓани да изберат дали на РМакедонија и е потребна е-трговија.

Мислењето на поединци не се зема во предвид - гледано глобално! Искуството покажува една те иста проверена работа-а тоа е :од копирање и уништување на нечиј бизнис или труд упорно се прикажува како нечии туѓ резултат.
Од теорија до пракса голем е патот. Во случајов во интерес на граѓаните и нивното право на подобар живот и стандард е да се запознаени со тоа како упорно и константно не одминуваат светските трендови и технолошки поволности. Па така може да Ве одмине и овој начин на е-тргување.
А зошто..? Ако не е до парите, тогаш е до мала група на поединци.

За луѓето со стил

2010-04-27T09:41:00.000+02:00

За сите кои уживаат во добрата летна атмосфера.

Направете самите од својата градина удобно и пријатно место за претстојување. Бидете креативни и економични, па со малку пари декорирајте по свој избор.

За ова лето Ви предлагам :

свеќник во дискретни нијанси клик на www.ex.mk
мали дискретни соларни светилки клик на www.ex.mk
добра книга клик на www.ex.mk
и удобна вреќа за опуштање клик на www.ex.mk

Задоволството е Ваше во добро друштво и ладен пијалок...

Месец на EX.MK 14.04.2010-14.05.2010

2010-04-23T11:11:00.001+02:00

Да се одмориме малку од 24/7 работа..

Оваа година мора да признаеме нашиот роден град одненадеж се разубави. Прекрасно изгледа преку ден. Зеленило, тревичка, цвеќенца, чисти улици, се нешто не потсетува на големите зелени паркови по европските метрополи.

Кој вели дека Европа не дојде и кај нас?

Да се одмориме малце од секојдневната трка по работа и разбивање на некои туѓи клишеа и моменти на интелигенција од типот:

‘‘цените на интернет треба се пониски‘‘ за повеќе производи или ‘‘ цената на интернетот треба да е пониска‘‘. Со ова анкетно прашање ние одамна расчистивме. Експертите велат треба да се пониски, а ако ги прашате подетални и директно ЗОШТО - така било напишано, а КАДЕ - е ова е веќе многу алгоритамско-3Д прашање.

Во Европа? ..Кога?

Месец на EX.MK 14.04.2010-14.05.2010

2010-04-22T11:04:00.000+02:00

Мит или Вистина?

Трговци, попустите нема да ви се исплатат!

Мит: точно, нема да ви се исплатат т.е. надоместат парично веднаш. Но, затоа ќе ве запознаат многу идни потенцијални купувачи.

Компанија што работи со 30% маржа, а на купувачот му нуди 10% попуст, мора да продаде 50% повеќе доколку сака да оствари еднаква добивка.

Мит или Вистина: на ваков константен начин на работење, по 3 месеци трговецот самиот ќе увиди дека неговата фирма е веќе вклучена во системот за вртење пари ( прави константен обрт на пари). Па така по година, две ќе свати дека неговата фирма функционира како швајцарски часовник. Ова можеби ќе може да се види во реалноста доколку не постојат негативни, психо-социолошки интенции во областа на економијата.

Оваа чувствителна тема под име ПОПУСТИ е дефинитивно тема број 1 за чаршиските муабети. Во Скопје оддеднаш, без усул се појавија сите видови на потребни, непотребни попусти, снижувања и како ли уште не се именува оваа појава. После да не се чудите зошто ни господ не може да ви помогне, да се вратите на нормала.

За попустите пишував пред некоја недела, и нема да се навраќам повторно на тоа. Оваа тема е за луѓето кои професионално се занимаваат со трговија и од тоа вадат плата за себе, а можеби и за по некој залутан ‘‘нечиј‘‘ роднина или братучед.

Оваа глупост која трае ако се сеќавате една цела година константно во Скопје, донесе пад на трговијата, пад на економијата, пад на животниот стандард, пад на културниот и социјалниот живот во земјава.

Така ви е тоа драги мои кога секој кој стигне ќе ви соли и продава памет и на ваша сметка (на ваша мака) заработува и од страна ви се смее. Како овие креатури од луѓе земаат редовно плата секој месец и дополнителни примања: се занимаваат со трговија -Продаваат туѓи идеи и свесно живеат нечиј друг живот.

Не ви се верува.. ?

Македонија и се е можно.

Едвај ги чекам да видам кои се глупости ги направиле со влезот на РМ во Европа.. За НАТО и да не зборам.

Месец на EX.MK 14.04.2010-14.05.2010

2010-04-22T10:16:00.000+02:00

Фејсбук - бесплатен простор за онлајн маркетинг

Зошто баш сите поединци и фирми се одлучуваат на овој чекор?

Па бесплатно е!

И целиот дизајн и начин на огласување е исклучиво по свој личен вкус и избор. Ова по се изгледа кога се отскокнува од линијата на просечност и лошиот вкус е Криминал.

Ако се размисли подлабоко во психологијата на онлајн комуникација (ова е англиски адаптиран израз кој може да се сфати и како комуникација по интернет, по мобилен, телевизија, буквално преведено =на линија, а кабел е кабел, струја е струја или..) многу нејасно во РМ се прикажани сите позитивни и негативни ефекти и нуспојави токму од ваквиот начин на комуникација.

Како до пари или мора да се плати за да се слушне за бизнисот?

Ова е зачаран круг од кој за жал нема излез. Менталитетот на македонскиот народ е таков: еднаш изгорен- за секогаш изгорен, еднаш излажан и останавте така во сеќавањата. И ништо од бизнисот. Зошто затоа што кога ќе побарате културни информации и интелектуални начини за да направите мала кампања за истиот овој народ- НЕМА. И никој не кажува како се доаѓа до спонзорства, поткровителства, јасно и кратко до ПАРИ.

Мистерија за шаблон кој дава 100% профит.

И немојте утре, задутре да се зачудите ако најдете баш на фејсбук одлична фирма за соработка или супер работи за купи-продај.

Очигледно на некој и текако мнооогу му смета развојот на ИНТЕРНЕТ или ЕЛЕКТРОНСКОТО КУПУВАЊЕ.

Да не објаснувам детално, нашироко и надолго, и до детаљи што е електронска продавница; а за нешто поголемо од една е-продавница и да не помислам да ви објаснувам. Можеби концептот на кои овие продавници работат е многу тежок за некој да го разбере, а премногу лесен за да си го присвои.

Одиме понатака...

Месец на EX.MK 14.04.2010-14.05.2010

2010-04-21T10:30:00.000+02:00

Во рамки на нашата online промоција Месец на ЕX.МК спроведуваме и една мала анкета за која би Ве замолила да одвоите 2-3 минути од своето време да одговорите на 16 мали, кратки прашања

Ова воедно би Ви посочило и зошто купувате или не купувате онлајн.. Анкетата е предвидена за лица со возраст до 25 год., но секако е многу добредојдена и за родителите.

За повеќе кликни на:
Анкета за примена на електронското купување во Р Македонија.

Месец на EX.MK 14.04.2010-14.05.2010

2010-04-19T10:34:00.000+02:00

Продавници на тајни и идеи:)

Секогаш е најлесно да се започне бизнис или добар начин на презентирање со веќе промислен, размислен и проверен начин на работа. Успехот и профитот е 100% загарантиран:)

Преубав декор за по дома е да се има своја лична по свој избор библиотека. Се разбира најефтино, за без пари идеите може да ги даунлодирате преку интернет - но тоа не е тоа.

Класика..

Сепак, авторот си имал своја идеја, свој сопствен поглед на тоа како стојат работите во светот и универзумот, па бесмислено е да се даунлодираат (постои голема веројатност на грешки при процесот на симнување на овие бесплатни верзии; па затоа се бесплатни... или не )

Филингот е друг кога книгата ви е на дофат, во секое време од денот и ноќта. А знаете како вика нашиот народ - за добар сон само добра книга. А добриот сон е најслатката работа на светот.

Повелете одберете нешто за вашата домашна библиотека клик на : www.exquisite.mk

Месец на EX.MK 14.04.2010-14.05.2010

2010-04-16T10:41:00.001+02:00

По повод константно интензивно едногодишно работење на полето на е-трговијата, тимот на Ексквизит прави своја промоција „Месец на Ex.mk“. Годината што измина ја одбележија 100.000 посети и над 3.000 продадени производи преку е-продавницата. Она што не прави особено горди е што во првото тромесечје 2010 година го надминавме бројот на порачки од 2009 година. Повеќе информации за работењето .

Следуваат акции „купи 1, добиј 1 гратис“, попусти и промоции.

Секоја недела доделуваме ваучери за попуст за купувачите.

Започни со е-шопинг!

Месец на EX.MK Оnline промоција

2010-04-14T11:46:00.001+02:00

Оnline промоција на ЕX.MK

Избери-Порачај-Добиј

Моментално поставени се следните производи на категории:

За Вашите најмали, Онлајн цвеќарница, накит дизајниран од Ексквизит, Сауни за домашна употреба, Еколошки производи за домот и во категоријата на случајни производи се менуваат производите за слабеење.

За секого по нешто.

Ајде малку на window shopping:)

Месец на EX.MK

2010-04-13T13:21:00.001+02:00

По повод константно интензивно едногодишно работење на полето на е-трговијата, тимот на Ексквизит прави своја промоција ‘‘ Месец на EX.MK ‘‘.

Мало освежување на е-пазарот. Секојдневни промоции на производи. Најпродавани и најбарани производи, информации поврзани со испораката, начинот на плаќање и комуникација.

Веќе од 14.04.2010 -14.05.2010.

Тренди статистички бројчиња :)

2010-04-10T10:40:00.000+02:00

Колку македонскиот граѓанин им верува на бројките. Сите знаеме да броиме, нели?

Нешто многу чудно се случува со бројчињата на статистики на веб страниците ,ТВ посетеноста на гледаност, со посетеноста а и правење на музичките и филмските топ листи, и ѕвезди од холивудски калибар.
Животот е филм..

Учиме да правиме трендови-брендови и како уште ли не се вика оваа појава. Па сакаме да правиме пари од маркетинг преку посетеност на нашите веб страници, многу европски. Е па ништо од бизнисот.

Сепак ‘‘парите го вртат светот‘‘ и ‘‘оние кој се на врвот од пирамидата‘‘ (светот).
Овие моменти на реалност се случајни. Се може лесно да се наштима и да се фати.

Еве еден обичен, реален пример од секојдневното комуницирање на фејсбук: многумина имаат проблем со објавување на своите постови до пријателите, или пак истите се редовно бришени (дали пазиме некого?) и како врв на се има и група али за фанови: кој го гледа твојот фб профил. А кој е инжињерот/администраторот на македонскиот фејсбук?

Мистерија...

Најверојатно за овие случувања сите ќе добиеме едно соопштение: ФБ бил бесплатен. ОК, има други начини за бесплатна онлајн комуникација..
Комуникацијата човек на човек кога ќе си каже збор два- е се уште бесплатна?
Дали и за овој тренд плати за да збориш има напишани информации.?

Тренди Скопје 2010

2010-04-10T08:43:00.001+02:00

Се се врти се се менува, па така и рејтингот на нашиот град рипна на прво место. Сосем случајно и одненадеж. Ова е посебно се забележа 2009:) Смешки.

Една среќна вест денес сите знаат дека Скопје е главниот град на Република Македонија. И дека официјален јазик (јазик под број 1) е македонскиот.

Па оддеднаш се случи и парадоксот: зборувај македонски да те разбере цел свет и подалеку. Не ми се веруваше. Ама добро, има теми за муабет и смеење.

Се нешто вакво се случува во нашиот град. И после оп се појави проектот ‘‘ Скопје 2012‘‘. Просто неверојатно. Куп архитекти работат на случајот, од каде баш вакви уметнички дела за во центарот на Скопје.

И Скопје веќе не се вика главен град, туку Метропола. Тренди, нема што.

Трендсетери

2010-04-09T14:08:00.001+02:00

Ова е на запад е доведено до степен на кич, границата меѓу убавото и практичното одамна е премината.

И Скопје има свои трендсетери. Мора да ве разочарам, тоа не се луѓе кои се опседнати со модата и не се модни наркозависници. Тоа се обични луѓе со препознатлив и индивидуален стил на живот. А како прв знак на нивно препознавање е дефинитивно гардеробата или модните додатоци. Па потоа следи која кола се вози, каде се работи, колку се заработува, што си по професија, каде одиш на одмор, шопинг итн.

Вака ако се гледа на работите веќе се преминува во модни стилови, али тоа ќе го го оставам на професионалците да ви го објаснат ‘‘модно трендсетерствo‘‘

Ова е нешто ново кај нас, и мора да се каже дека посебно сега навистина да се биде дел од модната индустрија во РМ е доста интересно.

Веќе сега секаде се присутни: Fashion TV, Play TV, Skopje Fashion week.. Не знам како им оди продажбата во странство на нашите модни креатори, али манекенките вака-така некако се пробија на модната писта (барем ако јас се прашувам, овие 2-3 години..)

Статуата на шмизлата поставена во центарот на нашиот град, не претставува и на никаков начин нека не ве асоцира на трендсетерство. Таков бил проектот ...

Да се биде трендсетер не мора да значи дека ви требаат многу пари. Со малку креативност, комбинирање на облеката и добар совет за нега - за месец, два може самите да си изградите свој сопствен стил. Доколку тој стил им се допаѓа на многумина и радо ‘‘скришно‘‘ ве копираат- тоа гледано од аспект на мода е воспоставување на нов моден тренд во градот каде што живеете- по свој стил.

За оние што добро знаат како функционира ширењето на трендови, нека не ми замерат сега:) Ќе напишам само една работа:
Архитектурата на местото, градот, во кој живеете или претстојувате многу придонесува за правење на трендови. Али тоа се мали тајни на големите мајстори.

Сезона на матурски забави

2010-04-08T14:17:00.000+02:00

Април е месец за сите неопходни подготовки околу тоа каде ќе се оди за матурската забава, со кого, како ќе бидете дотерани, каква музика ќе се слуша, и неизбежното што потоа...

Ова се најубавите години на секој млад човек. Време кога се прави првиот сериозен избор: што ќе бидам утре..

Навистина изборот за работа, професија е прилично голем. За сечиј вкус, желби и амбиции.
Затоа нека оваа сезона за матурски забави, им ја разубавиме на младите.

Скопје не нуди голем избор кога станува збор за т.н. лепршава, разнобојна и пред се соодветна гардероба прилагодена и адаптирана за ваков тип на забава. Не дозволувајте изборот на гардероба да ви го наруши посакуваниот настап на забавата. Има време, и да прошетате по странство или да си нарачате гардероба по свој вкус, желба и финансии.

Како една олеснителна околност, сепак ова е 21 век, на интернет постојат милиони е-продавници со секаков избор за гардероба. Доколку почнете со време да барате, може и да фатите некој добар попуст и еве да речеме фустанче од 1000,00 евра брендирано да го купите за 20 евра.

Идат нови деца, да им посакаме се најубаво и со лесно да го направат животниот избор.

За забава

2010-04-08T08:31:00.001+02:00

Понекогаш добро е човек да се одмори и малку да подзаборави на секодневните обврски.

Во зависност од годините измислена е и забава за сите генерации, по старосни групи, се разбира.

Ако подолго време работите и не сте во можност да бидете секаде присутни низ настаните во Скопје , не очајувајте- ништо не сте пропуштиле. Еден 24/7 викенд по тренди местата во Скопје и верувајте ќе видете апдејтувани со сите нови трачеви, настани, ќе дознате и видите од прва рака се што треба и не треба.

Навистина е интересно да се види како работите се исти од пред 3-4 години, само лицата и имињата се променети :). Ова е за луѓето кои го живеат животот со полна плуќа, му се радуваат на секој нов ден, а дури и птиците му пеат кога покрај нив ќе прошета. Супер е да се биде жител на Скопје РМ, уште само повеќе финансиски да закрепнеме.

За останатите кое се заглавени во еден моментум само мотото: ‘‘Човек се учи додека е жив‘‘...

И нормално, оваа информација ништо не значи доколку не ви дадам конкретен линк каде може и самите да увидите дека места за излегување има, културни манифестации за сечии вкус, некои од нив се бесплатни, додека некои чинат навистина многу www.sk.com.mk

Има време за се...

Онлајн курсеви по англиски јазик

2010-04-08T01:07:00.001+02:00

Секогаш е вистинското време да се започне со изучување на странски јазици.

Одличен начин да се почне со изучување на англискиот јазик, сега достапен и со online курсеви.

За предностите на учење на англискиот јазик може детално и од прва рака да се информирате на линкот: Go!EnglishMak

E-learning е достапен за сите заинтересирани кои сакаат да го научат или само да се потсетат на претходните познавања на англискиот јазик.

Веќе од утре овие курсеви ќе можете да ги купите онлајн преку е-продавницата www.exquisite.mk

Нека учењето Ви биде забавно или што би се рекло ‘‘education is never a waste‘‘

За кого е измислен маркетингот?

2010-04-07T19:58:00.000+02:00

Онлајн или интернет маркетинг - како што преферирате

Денес барем колку што знам во светов-на планетава живеат околу 5-6 милијарди жители.

Верувајте навистина е тешко човек да се пробие и успее кога сме толку многу. Од аспект на бизнис владее правилото: посилната риба ја јаде помалата. Традиција...

Постојат толку многу интелигентни, работоспособни, креативни бизнисмени со огромно искуство во водење на бизнисот. Во овој свет важи мотото: Информацијата е моќ-информацијата е пари!

За жал овие луѓе е тешко да ги излажете или измамите.

Нека не ве плаши конкуренцијата. Гледајте позитивно на нештата. И оставете ги амбициозно да си ја тераат работата, којзнае можеби и вие би можеле нешто да ќарите...

Маркетингот за некого е уметност, а за некого начин на презентирање/себерекламирање/или нешто слично. Не е убаво да се крадат нечии трудови или редовно да се практикува опцијата copy-paste. Не е здраво, а и овие случаи лесно се фаќаат. Сите знаеме да бараме информации и сурфаме по интернет мрежата. Ако лажете, ќе ве лажат...

Ова се работи кое се учат од дома-домашно воспитание. Во овој случај маркетингот ‘‘mouth to mouth‘‘ не важи и е сведен на трачарење, оговарање и рушење на углед и репутација. Не сум запознаена до каде сме со овој закон овде во РМакедонија, но кај и да е не е лошо да се има. Или дали важи подеднакво за сите?

Очигледно уште многу работа не чека. После да не се жалите ако нема работа за младите, ако фирмите брзо пропаѓаат, а странските мисии што даваат по 1000,00 евра плата за дремење пред компјутер и тоа бесплатно експресно ја напуштат земјава.

Па вие добро размислете кого ќе рекламирате за без пари. Хммм...

И пак маркетинг

2010-04-07T07:41:00.001+02:00

Нашиот народ е склон сам да си го креира својот маркетинг настап по принципот‘‘ Сам свој мајстор‘‘.

Јас сосема случајно залетав во водите на маркетингот. И мора да кажам одново и одново се воодушевувам и згрозувам од некои наши креативци. Мора да признаеме македонскиот граѓанин понекогаш знае многу убаво да не изненади со својот наплив на креативност.

И пак маркетингот е сретство со пред и се економска позадина, начин да се стигне до поголеми и побројни народни маси.

Па видете внимателни што соопштувате, и децата не гледаат.

Маркетинг, маркетинг...

2010-04-06T14:28:00.001+02:00

"Where marketing goes digital..."

Доколку имате доволно буџет, најдобар начин да го најавите своето присуство на пазарот е со добро организиран маркетиншки настап. И континуирано.

Луѓето сакаат континуиран,лесно разбирлив и технолошки прецизен опис на работите.

Многу е тешко доколку повеќе од една година постоите на пазарот,и нормално имате препознатлив статус кај купувачите, маркетиншки гледано, да ги натерате луѓето поинаку да гледаат на вас.

Сепак маркетиншката порака е таа која е линкот меѓу вас- трговците и крајниот купувач.

Еве само неколку линкови за е-маркетинг.

Овој начин на е-маркетинг е нешто што ветува во иднина. Искористете го паметно...

Магичен маркетинг по европски терк

2010-04-05T16:59:00.001+02:00

Како до успешен бизнис (1)

Многу лесно. Да се осврнеме малку на старите, добри, веќе испробани рецепти кои даваат резултати. Па нели одиме во Европа.
Европа е стар континент, со многу долга традиција и пред се култура. Треба да се види, доживее за да може да се опише. Не ви препорачувам да пробате да работите, но за се има прв пат.Најразвиена гранка од економијата е т.н. Fashion industry, трговски марки, брендови. Таму се е бренд. Па и ние од пред 2-3 години станавме опседнати со тоа да се биде БРЕНД.
ОК, добро е барем да се види како тоа го прават другите.Европскиот начин на живот си бара и добра плата. Па затоа предлагам кога веќе ништо не ни помага, дајте прво и само тоа: зголемете ги платите. На европски начин...Неповратно.(Значи да не ги враќаме преку кредит). Ајде барем со 2-3 плати да си ги вратиме наталожените долгови. Да се мотивираме за работа.

Како до успешен бизнис(2)

Буквално дефиниција за производство значи да произведеш односно да создадеш/направиш /искомерцијализираш употреблив производ т.е. производот што ќе го купите да ги исполнува сите светски стандарди со знакчето ‘‘Made in Europe‘‘.Да се закачи налепница или етикета не значи дека тој производ е направен во ЕУ,(тоа не спаѓа во производство: ставање и лепење на налепници и етикети, нови повисоки ЕУ цени..). ЕУ-граѓаните трудот и времето за ставање на етикети дебело си го наплаќаат. WOW...
Во овој контекст може да се спомене и проектот ‘‘Скопје 2014‘‘. Најверојатно Скопје не им се допаѓа онака како што е, па најверојатно како едно од барањата за влез во ЕУ е и менување на личниот опис на градот/државата.
Нека ни е на здравје...
Се надевам дека не се тајна барањата на ЕУ за влез во ЕУ – унијата. ИЛИ???

Како до успешен бизнис (3)

Она најважното од се за нашите трговци, производители, увозници и извозници е: да ги знаат лицата со име и презиме, кои се одговорни и задолжени за запазување на ЕУ-економијата(ЕУ монетарен фонд, финансиска полиција, маркетинг елита..). Значи луѓето кои се менаџери на ЕУ пазарната/економската политика.Можеби сум млада и недоволно информирана околу постоењето на овој круг на бизнисмени, но еве природата на работата ми налага да се себеобразувам и нормално се уште не можам да ги најдам овие информации.За тоа како се превземаат фирми, фабрики и фирми за увоз-извоз, запознаена сум со т.н. Бизнис Ангели (ако вашата фирма е успешна, а вие немате доволно пари за да инвестирате во нејзиниот развој-ќе ви се јават овие‘‘ангели‘‘ и процентуално ќе ви ја превземат фирмата. Гледано од поубавата страна. Што се случува понатаму, со вас и вашите вработени- не знам).
Би било убаво да се знаат овие бизнис информации – чисто од култура. Пред 2-3 години, прочитав во весници еден натпис за ЕУ. Темата беше онака тизерски напишана (да привлече интерес и да се види/провери мислењето кај народот) во ЕУ се формира‘‘Совет на мудреци‘‘ т.е. оние кои ја носат ЕУ во подобра иднина. Еднаш и никогаш повеќе напишана/опишана вест. ТИЗЕР.
Многу бајковито и волшебно изгледа ЕУ.

Како до успешен бизнис (4)

За оние најупорните трговци, е-трговци и сл. ви давам еден пријателски совет:
Пред самиот влез во ЕУ: проверете си го сопствениот бизнис план (cashflow итн.). Значи направете си самите една SWOT анализа за вашиот бизнис и тоа во три етапи. Пред влез, за време на процесот за влез и по влезот на РМакедонија во ЕУ.
No comment
Заклучок: добар работен кадар денес е тешко да се најде.

Како до успешен бизнис (5)

Како се враќаат вложените сретства и инвестиции сега кога веќе размислуваме по ЕУ жаргон. Е за тоа, најверојатно ќе мора да почекаме, ако во меѓувреме не заборавиме дека сме инвестирале во нешто свое. Од милион причини. Еве сега е најдоброто време да се угледаме на нашите ЕУ колеги, како тие ги решаваат моментите на економска криза. Да видиме како во пракса може да ги примениме нивните искуства. За промена може и тие да пробаат како со минимум пари, минимум услови за работа, со максимум работа нивните македонски колеги успеваат едвај да го скрпат крајот на месецот. Бесплатно, може да се направи проект или краток курс кој би чинел ѓаол и пол во евра, во кој ЕУ колегите ќе се стекнат со реални и практични примери од секојдневниот живот. За да се запознаеме, па нели ќе живееме заедно?

Да видиме кој повеќе работи. Кој како е платен. И зошто.

Животен стандард во Европа?

2010-04-02T07:51:00.000+02:00

Каков е животниот стандард во ЕУ?

За оние што биле и прошетале малку повеќе со старите пасоши низ светов, знаат и на своја кожа осетиле дека не е се така розево како што изгледа на ТВ и по познатите весници.

Гледано од аспект на реалност...

Можеби не сме имале доволно кеш во џебот, па се сме приметиле една многу апстрактна работа : се што ќе пипнеш во продавница-мора да купиш??? Да не зборуваме за ефтиниот поглед фрлен врз вас од страна на квазипродавачките по скапите, брендирани бутици кога ќе ве видат така туристички облечени. Туристот имено се шета по музеи, по градските улици, кафеани и ресторани..па некако не им влегува во глава дека е можно онака од љубопитност да прошета и по т.н. ‘‘ексклузивни надалеку прочуени брендирани продавници‘‘.
Доколку повторно се вратите во истата продавница, овој пат соодветно по европски стандард облечени, ќе се запрепастите како не се сеќаават дека претходно сте дошле и сте го побаре истото. Проверено...

Ова е многу чувствителна тема сега кога од ЕУ се прават разноразни барања кои треба да бидат исполнети за ете така убаво стокмени и ние најпосле да влеземе во Европа. Само на хартија, се разбира...

После да не чудиме што се случува со падот на економијата, зошто купувачите ќе имаат чудни барања, и зошто увозот и извозот на производи ќе ни биде слаб. Дали е ова увертира во нова реална рецесија? I don‘t think so..:)

И затоа да си го поставиме првото прашањето: Што ние добиваме од ЕУ, освен веќе вака видлива и лесно реализирана рецесија (читај економска криза, банкрот и сл.)

Па луѓето треба да живеат по стандард...

Арно ама за се има чаре:)

Маскенбал во нашиот град

2010-04-01T11:02:00.000+02:00

Каде најбрзо ќе може да најдете соодветна маска во последен момент. Па во е-продавница, се разбира.

Неделава што следува е исполнета со забава за сите: за младите разноразни маскенбалски забави, а потоа следуваат велигденските празници.

Време за себе, домот и за семејството. Овие празници се одличен начин да се обноват и зацврстат семејните вредности, односно нашата традиција.

Затоа со време ‘‘Честит нека ви е Велигден на сите‘‘.

Е-трговија, Е-банкарство, Е-купување

2010-03-31T19:57:00.000+02:00

За подобро да се разбере концептот на кои функционира е-трговијата, најдобро е да се провери концептот на работа на кој се заснова и одвива е-банкарството.

Е-банкарството е феноманален начин за плаќање и купување преку интернет. Се разбира ова се однесува за комуникација меѓу фирми, за брзо, лесно да ги подмират меѓусебните сметки или долгови.

За среќа, оваа е-услуга е достапна и во РМакедонија, а во која мерка се користи најдобро е да се провери во банките. Доколку фирмата се занимава со е-трговија, користење на оваа е-услуга, придонесува кон подобрување на работата, пред се во брзината со која се врши онлајн плаќањето, со што менаџерите на фирмите имаат повеќе време да се занимаваат со други активности околу водење на својот бизнис.

Ова е мала ама многу битна работа која овозможува секој е-бизнис да се се одвива непречено, во секој момент од денот.

Навистина, факт е дека луѓето кои без двоумење и со доверба го користат е-банкарството како секојдневната работење, многу лесно и повторно со истата доверба која ја имаат кон банките кои нудат ваква опција, да користат е-пазарување.

Значи, да оставиме малку на времето да покаже во кој степен македонските граѓани се спремни да се преориентираат кон е-купување...

Како до поголем профит преку е-трговија?

2010-03-30T18:15:00.000+02:00

Како до поголем профит преку е-трговија?

Е-трговијата е напреден процес од кој може да се живее.

Доколку се навлезе во самата суштина на кој се базира секојдневниот начин на тргување, многу лесно ќе може да се направи чекор понапред користејќи современи сретства и начини за развој на трговијата.

Прашањето е како да се допре до купувачот без директен контакт со истиот. Односно како правилно да се воспостави комуникацијата со современиот интернет корисник. Е, тука е моментот во кој купувачот прави избор за тоа дали ќе ја отвори веб страната на вашата е-продавница, дали ќе одвои малку време за да прочита и одбере нешто од она што е презентирано за продавање.

И не треба да се заборави фактот дека тој купувач треба и да се задржи . Затоа доколку се одлучите или веќе работите на ова поле на е-трговија, најдобро е да ангажирате некој млад асистент кој во овој начин на тргување гледа со оптимизам, гледа иднина и се разбира профит.

Нема ништо апстрактно во тоа тргувањето да се одвива со поголема брзина, подинамично, поекономично и пред се поинжињерски/потехнички ориентирано.

Како најлесно до препознатливо име т.е. ‘‘бренд‘‘

2010-03-28T16:31:00.000+02:00

Како најлесно до препознатливо име т.е. ‘‘бренд‘‘

Во зависност од таргет групата - потребни се мали и големи маркетиншки сретства (медиуми, пари...) за да се испрати пораката брзо, јасно и трајно до крајниот купувач т.е. примач на маркетиншката порака.

За ефектот да биде поголем и резултатот брзо да биде видлив мора да бидат запазени безброј светски стандарди : морални, етички, возрасни граници, здравствени, антирасистички и многу други аспекти. Што би се рекло на купувачот да му биде задоволство да види, да одбере и да плати некој производ.

Бидејќи развојот на интернет културата е во чекор со времето во кое живееме, најефтино и најбрзо рекламирање е она преку социјалните веб страници.
И пропорционално на ова е и ефектот од овој начин на презентација.

Facebook денес е прилично окупиран од разно разни презентирања и рекламирања. Но, не треба да се заборави и фактот дека е многу користен за комуникација меѓу лицата под 18 години.

И www.exquisite.mk има свој профил на Facebook: Ex.mk, број на friends кој изненадувачки расте; но поради природата на бизнисот за свои потреби има и своја група Bidi In kupuvaj online.

Како до супербренд во РМ...

2010-03-27T06:50:00.000+01:00

Што е БРЕНД?

За детално објаснување клик на: http://mk.wikipedia.org/wiki/%D0%91%D1%80%D0%B5%D0%BD%D0%B4

Граѓански глас за најдобар бренд:

‘‘Македонските граѓани за првпат можат да учествуваат во изборот на најсилните пазарни марки во Р.Македонија, преку гласање на интернет.
Изборот на најдобри брендови во Р.Македонија го организира меѓународната организација СУПЕРБРАНДС, една од водечките компании во областа на брендингот.
За избор на најсилните брендови во Р.Македонија, конкурираат дури 1200 пазарни марки, распоредени во 28 категории.
Во изборот, покрај домашните трговски марки, учествуваат и меѓународните...‘‘

текстот е препишан од ‘‘Шпиц‘‘

Тоа што сите фирми најверојатно ги интересира е детална анализа на профилот на граѓаните кои ќе гласаат. Сепак брендингот е цела област од економијата што продава. Најчесто се поврзува со маркетинг, што во слободен превод би значело соодветно таргетирање на потрошувачите по таргет групи, со цел правилно да им се презентираат информациите поврзани со производ или услуга.

Сепак, сите сме различни - со различен стил, потреби и барања...

Топ 100 брендови во светот за 2009...

Како до вистински информации

2010-03-23T11:00:00.000+01:00

Кога се започнува свој бизнис важи мотото: ‘‘Информацијата е пари‘‘ ... и ‘‘Издржи до крај‘‘...

Во Македонија е многу лесно да се дознаат информации од било каков карактер, но треба да се биде многу внимателен во разграничување на истите, што е вистина а што е лага. Ние, македонците по природа сме многу темпераментни, и пријателски расположени за секакви (па добро, не баш секакви) муабети.

Многу е тешко да се соберат, анализираат, и практикуваат доколку за тоа се нема сенс или соодветно образование. Но, факт е дека се може да се научи, нели...

Како до бесплатни информации?

Интернетот не е бесплатен, бизнис списанијата исто така чинат одредена сума, дневните весници исто така, а да се види корисно интервју на тв треба цел ден да седите пред тв за да бидете правилно информирани околу тајмингот и личностите кои ве интересираат да ги видете, слушнете. Се се плаќа.

На обичниот човек му преостанува изборот : што ќе чита, што и кого ќе гледа на тв, кого и што ќе слуша на радио..итн...

Авторот на овој блог (читај веб страна) ја има таа привилегија да добива гратис бизнис магазин ‘‘Капитал‘‘, а Вие?

Аукции за сите

2010-03-22T15:05:00.000+01:00

za1denar.com.mk е веб страна за аукции каде што цената на производот кој е на продажба може најмногу да се накачи за 0.5 ден. со едно наддавање.

Сите аукции почнуваат од 0 денари.
Ако никој не ја накачи цената ( не наддаде) во времето предвидено за наддавање (пр. 2 мин.) на аукцискиот часовник кој е видлив на самата аукција, последниот наддавач победува на аукцијата и го купува производот за која и да е цената која тој ја достигнал.

За да земеш учество во аукциите, потребни ти се кредити на твојата сметка.

Кредитите може да ги платиш и он-лајн и да ги добиеш по СМС (без достава) или до адресата на нарачателот ( со вклучена достава ) на www.exquisite.mk

Изборот на производи е интересен и начинот на кој може да се дојде брзо до убав производ е лесен и пред се многу забавен.

Нов тренд: Секој има е-продавница

2010-03-21T10:32:00.000+01:00

Светскиот гигант ‘‘Мајкрософт‘‘ го има мотото ‘секој има компјутер дома‘, односно нивната визија во текот на нивното развивање беше - во секој дом, на секоја маса да има компјутер;
Ова е доста космополитски и е направено во голем претприемнишки дух.

Кај нас веќе 4 месеци во пораст е новиот тренд‘‘ Секој има е-продавница‘‘, што истотака е за поздравување доколку истиот завземе позитивна насока, т.е. за сеопшто добро, за подобрување на животниот и потрошувачкиот стандард на сите граѓани на Република Македонија.

Со зголемување на овој тренд, гледано од наша пракса, статистички, се повеќе се зголемува и бројот на клиенти кои купуваат и плаќаат на веб страните на другите е-продавници што се отворени во РМ, но ете производот не им бил доставен онака како што било напишано и објаснето во процесот на купување; а за подетални информации и жалби се јавуваат на нашиот контакт телефон.
NO COMMENT

Во изминатата цела 2009 година, Ексквизит интензивно работеше на разодување и олсенување на патот за својата, а последователно на тоа и на сите после нас отворени е-продавници. Ова беше најслабата карика во трговијата, кај нас. Се увиде, дека на македонскиот граѓанин не му е потребна кампања, флаери, маркетиншки убедувања , стручна или професионална едукација и сл. за да ја направи својата прва нарачка преку интернет. На македонскиот граѓанин, му е потребно едноставно и user friendly инфо за сите аспекти од начинот на плаќање, и заштита од несакани провали на неговата кредитна картичка.

Македонија е мал пазар. Можностите за отворање, развивање на свој приватен бизнис се зголемуваат, се отвораат нови надворешни пазари за развој на е-трговијата.

Внимателно со начинот на кој се однесувате кон купувачите. Не заборавајте дека потрошувачот е тој кој одлучува за производите, брендовите, продавниците...

Постави прашање до претприемач

2010-03-20T10:16:00.001+01:00

‘‘Најдобриот начин да се предвиди иднината е таа да се креира.‘‘

Во соработка со Претприемач.мк, во областа на развој на претприемништвото во Република Македонија, тимот на Ексквизит веќе два месеца одговара на поставените прашања од областа претприемништвото.
Идејата на претприемач.мк е секој месец, по една фирма оформена од млади претприемачи , да одговара на поставените прашања.

За да поставите прашање од областа на претприемништвото следете го линкот: www.pretpriemac.mk

Дефинирање на претприемништво:
Зборот претприемништво има многу значења. Од една страна, теоретски-претприемач е пионер-личност која почнува нови работи и поседува исклучителни карактеристики кој ретко кој пруг ги има. Од друга страна, секој кој што сака да работи сам може да се именува како претприемач. Зборот претприемач доаѓа од францускиот збор entreprendre што значи да превземеш. Во бизнис контекст, ова значи да отпочнеш свој бизнис.

Овој начин на комуникација: ‘‘Постави прашање до претприемач ‘‘е особено интересен и потребен за младите, идни претприемачи кои сакаат да создадат и изградат свој приватен бизнис.

Само накратко:

Претприемништво – мали бизниси
Многу луѓе ги користат термините претприемништво и сопственик на мал бизнис како синоними, но во реалноста овие термини се различни и има разлика меѓу претприемништво и мал бизнис.

Претприемништвото се разликува од бизнисот на следниот начин:

Профит – наспроти традиционалниот начин на вработување и постепеното зголемување на просечниот профит, претприемачите се милионери

Брзина на профитирање – малите успешни бизниси имаат профит од неколку милиони во текот на нивното постоење, додека оваа бројка претприемачите ја достигнуваат најчесто за 5 години

Ризик – ризикот кој што претприемачот го презема секогаш е многу висок

Иновација – претприемништвото најчесто е поврзано се некоја оддржлива идеја и креативна идеја, додека малите бизниси најчесто не се од таков тип. Иновативноста може да биде продукт или сервис, или пак во начинот на кој се спроведува истиот.

Е-супермаркет

2010-03-20T09:57:00.000+01:00

За сите оние кои купуваат неопходни прехранбени производи за дома, проверете го следниот линк www.doma.com.mk.

Е-трговијата сепак постои и кога станува збор за купување на храна, пијалоци,козметика...

И повторно купувачот ја има опцијата за достава на купените производи до дома.

Сега секогаш ќе имате време за се.